HINDI PA MAN nakalabas si Yvony ng sasakyan ni Dior ay kinakabahan na siya. Nakikita niya na rin si Hiro na naghihintay sa kanila. Wala itong alam na pupunta siya. Maliban sa hindi ito sinabi ni Dior, hindi niya rin sinagot ang mensahe nito sa kaniya. Napagdesisyunan na lang niya sa personal ito kakausapin para mas magkaiintindihan sila.
“You ready?” tanong ni Dior.
Napabuntonghininga si Yvony. “I am.”
“Kuya Kambal will be happy, Ate. Thank you for doing this,” sabi ni Demitrica. Mahal din talaga nito si Hiro.
“For my mental health. I will do this,” aniya.
Pagbaba ni Dior mula sa sasakyan, agad din sumunod si Demitrica. Muli siyang nagpakawala ng malalim na hininga. Kinakabahan lang siya. Hindi niya alam kung ano ang magiging takbo ng pag-uusap nilang dalawa.
Sinilip siya ni Demit
