NAPANGANGA ang nurse na nagpi-flirt kay Dark nang biglang iwan niya ito. Akala siguro nito ay may gusto siya sa kanya. Nagmamadali siyang bumalik sa loob ng ICU pero hinarang siya ng isa pang nurse.
“Sir, oras na ho ng pagra-rounds ng mga doktor at bawal na ho pumasok ng ICU. Kakausapin ko nga po ang asawa ninyo na lumabas na muna.”
“Gano’n ba? Sige salamat.”
Sumandal siya sa wall habang hinihintay si Maggie. Napangiti siya nang maalala ang sinabi ng nurse. “Asawa,” ang sarap sa pandinig niya ng salitang iyon.
Lumabas si Maggie at dumiretso sa VIP room ng anak, hindi pinansin ang nakasunod na lalaki.
‘Manigas ka diyan, lalaking malandi!’
Naiinis siyang naupo at sumandal sa mahabang sofa. Ipinikit niya ang mga mata para makaiwas. Siguradong kukulitin na naman siya nito. Napapagod na s
