SUNNY’S POV
Hindi ko alam bakit iyon nasabi ni Lili. Pero gano’n pa man ay agad naman na akong kumalas ng yakap sa kanya at katahimikan ang namutawi sa lahat. Tinignan ko ang libro at saka ko ito kinuha at lumabas ng k’warto na ‘yon. Hindi ko alam kung bakit naging ganito kami ni Lili kahit pa noong una. Hindi ko rin maintindihan kung anong bagay ang kinaiinggitan nya noon samantalagang lahat naman ng bagay na mero’n ako ay tila isang sumpa para sa ‘kin.
Pumunta ako sa garden at saka bumukas ang lagusan at bumungad sa akin si Tita Mirei. Ngumiti ako sa kanya at nakita nya ang libro na hawak ko kaya naman sinenyasan nya ako na pumasok. Nang makapasok ay saka ako umupo at saka ko pinakita sa kanya ang kung anong kailangan ko.
“Hmm… maraming lugar mula sa ibaba ng Mystica ang hindi mo p
