SUNNY’S POV
Konting tiis na lang at makakarating na ako sa liwanag. Konting hakbang na lang at mahahawakan ko na ito. Pero sa totoo lang ay bawat tinik ng inaapakan ko’y sya ring panghihina ko na syang nagiging dahilan para mas bumagal ako.
“Sunny.”
Napasinghap ako dahil sa narinig ko. Ang boses na ‘yon ay kilala ko at hindi ako maaring magkamali dahil ang boses na ‘yon ay ang nami-miss ko. Napatingin ako sa liwanag na nasa harapan ko at naramdaman ko ang sakit sa dibdib ko. Ang sakit na hindi ko alam bakit ganito pero gusto kong mainis sa sarili ko. Umayos ako at saka ako tumingin sa kanya. Hindi ko alam paanong lalabanan ang sakit pero kailangan kong gawin para makabalik.
“I-Ina…” banggit ko.
“Alam kong kaya mo ‘yan. Marami ka ng pagsubok na pinagdaanan at lahat ng iyon ay nalag
