Makati City, Makati
Nakauwi rin sa wakas sa kaniyang condo si Jepoy. Na-miss din niya ang sariling amoy ng condo sa Makati. Limang araw lang naman siyang mamamalagi sa condo niya. Dahil sa ikaanim na araw ay babalik siya sa opisina ng kaniyang among si Vino Distillirie. Sa ikapitong araw naman ay siyang araw na aalis sila patungong Haro, La Rioja, Spain.
"Dapat pa ba akong magpaalam sa magulang ko? Baka masabon na naman ako at ipahiya ng aking ama. Huwag na lang siguro?"
Kararating lang niya pero iyon agad ang mga katanungan sa kaniyang isipan. Mahigit isang linggo pa lamang siya sa Distillirie Empire Building pero mukhang advance na siya kung mag-isip. Marahil alam na alam na ni Jepoy ang magiging sagot ng ama kapag nagpaalam pa siya. Pero sa kabilang banda ay mas tamang magpaalam pa
