"GREG, hindi ba madadaanan mo ang condo ni Paige pag-uwi mo?"
Napatingin si Paige kay Tita Nancy ng marinig niya ang pangalan niya na binanggit nito habang kinakausap nito si Gregory.
"Yes," sagot naman nito sa buong-buong boses.
"Oh, isabay mo na siya sa pag-uwi mo para hindi na malayuan ang Tito Anthony mo. Out of way na kasi sila kapag ihahatid pa nila si Paige sa condo niya," dadag pa na wika nito.
Hindi naman niya napigilan ang manlaki ng mga mata sa narinig na sinabi ni Tita Nancy sa anak nito. Hindi din niya napigilan ang sumabay sa pinag-uusapan ng dalawa.
"Excuse me po, Tita Nancy. Okay lang po. Baka may iba pa pong pupuntahan si Greg," wika naman niya.
"Deretso na iyan ng uwi sa condo niya, Paige. Kaya sa kanya ka na lang sumabay. Para makauwi na din ng maaga ang Mama a
