"NAPANUOD ko iyong interview niyo kagabi."
Napatingin si Paige sa kaibigan na si Aria Victoria nang marinig niya sinabi nito. "At nag-trending ka sa social media," dagdag pa na wika nito nang magtama ang mga mata nila. "And they are all curious kung sino ang lalaking tinutukoy mo sa interview mo."
Ngumuso naman si Paige. "Hayaan mo silang ma-curious," sagot naman niya dito. Pagkatapos niyon ay nilagyan niya ang baso niya ng alak at inisang tungga lang niya iyon. Nang hindi siya ma-kontento ay ang bote na ng alak ang tinungga niya.
Nasa condo si Paige ng kaibigang si Aria sa sandaling iyon. Niyaya kasi niya itong uminom, hindi naman kasi siya pwedeng makita na umiinom sa pampublikong lugar dahil maraming marites ang pwedeng makakita sa kanya. Baka mag-trending na naman siya sa social med
