"PAIGE."
Inalis ni Paige ang tingin sa kamay at inilipat niya iyon kay Gregory nang tawagin nito ang pangalan niya. At pagkaangat niya ng tingin ay napansin niya ang pagsasalubong ng mga kilay nito habang nakatingin sa kanya.
"Y-yes?" tanong naman niya.
"Kanina pa ako nagsasalita pero mukhang hindi ka nakikinig," wika nito sa kanya sa seryosong boses. Pagkatapos niyon ay tumingin ito sa kamay niya na tinitingnan niya. Mabilis naman niya iyong ibinaba sa kandungan niya. "Kanina ka pa nakatingin sa kamay mo. Is your hand still hurt?" pagpapatuloy pa na wika nito.
"Okay na ang kamay ko. Hindi na masakit," sagot naman niya. Pero sa halip na mawala ang pagsasalubong ng mga kilay nito ay lalong nagsalubong pa iyon.
"If it's not hurt? Why you keep looking at your hand?" tanong pa nito, mu
