Lorna
Hindi na talaga naging maayos pa ang pakiramdam ko sa buong oras ng kasal. Lalo't alam kong sa buong oras ding 'yon ay palaging nakatitig sa akin si Denver at tila wiling-wili pa siya sa ginagawa niya.
Lumilibot mismo sa kabuuan ko ang mga mata niya na parang isang manyakis na guwapong billionaire. Guwapo naman talaga siya, napaka-bad boy nga lang niya, masama ang ugali at manyakis.
Hanggang sa hotel ay hindi na talaga ako tinantanan ng mga mata niya. Kung natutunaw nga lang tao, malamang ay kanina pa ako nalusaw sa simbahan pa lang. Minabuti ko na lang na hindi umalis sa tabi ng mga babaeng asawa ng mga pinsan niya at isa sa mga kapatid niya na si Ate Alliyah.
Isa siya sa napakabait na palaging nag-a-approach sa akin dito, pati na rin si Ate Lhevyrose na asawa naman ni kuya Char
