Denver
"Hindi naman po siya ganyan dati, Doc. Napakabait niyang bata at masiyahin simula noong isilang ko siya hanggang sa mag-high school siya. Nagbago lang ang ugali niya noong tumuntong na siya sa kolehiyo at matapos niyang magdisi-otso," paliwanang ni Aling Marceline na ina ni Lorna sa isang psychiatrist Doctor na kaharap namin ngayon. Si Doctor Joan Salvez.
Naririto rin ang kanyang asawa na si Mang Lorcan.
"Nakaranas ba siya dati ng mga karahasan, pang-aabuso dahilan para magkaroon siya ng matinding emosyon, stress, trauma. Nagbisyo ba siya dati? Umiinom ng alak o naninigarilyo?" mahinahong tanong naman sa kanya ni Doktora.
Paulit-ulit namang umiling si Aling Marceline. "Hindi siya nakatikim isa man sa mga 'yan. Kahit ang ama niya ay hindi siya nagagawang saktan noon. Napapagalita
