Sa inis at sama ng loob ko nag-lakad-lakad muna ako para magpahupa ng galit hanggang abutin na ako ng gabi.
Nasa tabing kalsada lang ako at tumigil sa gilid ng batong tulay. May mga dumaraang sasakyang mangilan-ngilan pero nanatiling tahimik ang paligid.
Tumanaw lang ako sa malawak na ilog sa ilalim nito at humawak ako sa barandilyang bato rin.
Humugot ako ng isang malalim na pag-hinga sabay sigaw ko nang malakas mula sa kailalim-ilaliman ng baga ko.
Sa pag-sigaw ko inilabas ang lahat ng mga sinasaloob ko, lahat-lahat na! Mag-mula sa magkakapatid na Selevestres hanggang sa magulang kong walang ibang ginawa kundi diktahan nang diktahan ang buhay ko!
Nakakapuno rin pala...
Nagsisisigaw lang ako na parang baliw hanggang sa unti-unti gumagaan na ang pakiramdam ko at nakaramdaman na lang
