Ilang minuto pagkalabas ng dalawa ng lobby ng building at hustong pagkalabas na nila ng mismong gate ng compound ay marahang tumigil sa paghakbang si LV. Nahihiyang humarap siya kay Chanel at ilang sandali pa ay kusa na nitong binitawan ang kamay ng aktres kahit na labag iyon sa kalooban niya. Nahihiya namang itinago iyon ni Chanel sa kanyang likuran. Ang mga mata niyang may kakaibang emosyon ay kaagad na nahulog sa suot niyang itim na boots na umabot sa kanyang tuhod. Ang mga mata niyang nababalot ng panghihinayang sa sandaling tuluyang binitawan na ng modelo ang hawak nitong kanyang isang palad. Nais pa sana niyang tumagal iyon at namnamin ang mahigpit na pagkakahawak nito sa kanyang kamay dahil ang pakiramdam niya ay safe siya habang hawak iyon ng dating kaibigang modelo. Ngunit kalabis
