Ilang minuto pang iprinoseso ng bahagyang lumutang na utak ni LV ang mga sinabi sa kanya ni Chanel bago niya tuluyang nakuha ang siyang nais nitong mangyari. Gulantang pa rin na isinilid niya sa bulsa ng kanyang suot na pantalon ang hawak niyang cellphone. Walang imik at natataranta niyang inilipat ang lalagyan ng dalawang baso ng kape na para naman talaga sa kanilang dalawa ni Chanel. Hindi pa rin makapaniwala ang kanyang mga mata na nasa tabi niya si Chanel sa mga sandaling iyon at mahigpit na nakahawak sa kanyang isang braso. Bagay na halos magpatalon ng kanyang labis na natutuwang puso na may nagwawalang t***k sa loob ng kanyang dibdib. Hindi niya inaasahan na mangyayari ang bagay na iyon sa kanila sa araw na iyon, kung kaya naman ay tinawagan niya si Pasico upang pakiusapan na ibigay
