Naburo ang mga mata ni Chanel sa mukha ng lalaking malawak na nakangiti sa kanya, ang mga mata nitong nakatitig sa kanya ay mayroong kakaibang kinang na hindi maipaliwanag. Hindi niya iyon magawang suklian, lalo pa at bigla siyang nakaramdam nang kakaiba sa mga titig nito sa kanyang mukha. Tila ba may ibang kahulugan ang mga tinging iyon. Napalunok siya ng sariling laway nang maisip na baka kababayan niya ito at alam nito ang sekreto niya. Ang isiping iyon ay nagpalambot ng kanyang mga tuhod, hangga’t maaari ay ayaw niya pang pag-usapan ang bagay na iyon ngayon. At nang mga sandaling iyon ay nais na lang mag-walkout at tumalikod ni Chanel, at lisanin na ang nasabing studio, lalo pa nang paulit-ulit na pumasok sa kanyang isipan ang mga bagay niyang tinatakasan. Hindi sa natatakot siyang mak
