Ilang araw pa ang lumipas bago naging maayos ang pakiramdam ni Chanel at mapagnilayan ang mga nangyari sa muli nilang pagkikita ni LV. Hindi na siya lumabas ng unit mula sa araw na iyon, ni hindi siya tumatambay sa balcony sa pag-aakalang inaabangan siya doon ng lalaki. Bagay na hindi siya nagkakamali, dahil umaasa si LV na makikita siya kahit na isang beses doon ngunit naging bigo lang ito. Pinagtiyagaan niya ang kanyang mga pinamili sa loob ng mga araw na iyon na grocery, idagdag pa ang lingid sa kanyang kaalaman na pa-merienda o patanghalian at kung minsan naman ay pahapunan ni LV na dumadaan kay Pasico. Huwebes ng gabi nang magpasya siyang papasok na kinabukasan tutal dalawang araw na lang ito, haharapin si LV kung sakali na makita niya itong muli nang hindi sinasadya. Doon niya napagt
