Ilang beses na pilit na nilunok ni Chanel ang pagkain na kahit na hindi niya iyon malasahan ay pilit niyang nginunguya upang magkaroon ng laman ang kanyang tiyan. Kahapon pa siya hindi kumakain ng pagkain kung kaya naman nag-aalala siya na baka manakit na ang tiyan. Muli niyang pinagmasdan ang kanyang mga pagkaing nasa harapan, kumuha siya ng maliit na portion ng creme brulee at kinain iyon. Labis ang tamis nito, bagay na gustong-gusto niya ngunit dahil wala siyang gana ng mga sandaling iyon kung kaya’t hindi niya ito ma-enjoy. Tinikman niya rin ang mushroom soup, ngunit lalo pa siyang nalungkot nang dahil sa ang pagkaing iyon ay paborito ng kanyang dating kasintahan. Hindi siya kumakain noon pero nang dahil sa kanya ay naging paborito na rin niya na hindi nawawala tuwing kakain sila sa la
