Dapit-hapon na nang tumayo si Chanel mula sa table na kanyang inuupuan at kahit ganun katagal na oras ang kanyang inilagi doon ay hindi niya nagawang ubusin ang kanyang mga pagkain na inorder. Lumamig na ang mushroom soup niya at tumigas na ang creme brulee. Ganunpaman ay masaya niyang kinuha sa naghihintay na waiter ang bill ng kanyang mga kinain. Ilang beses na pumasok sa kanyang isipan na uminom ng kahit isang baso ng alak bilang kanyang pampatulog, ngunit kaagad na bumabalik ang bangungot ng mga nangyari kaya sa bandang huli ay naisip niyang baka bibili na lang siya sa convenience store at doon na lang sa unit niya iyon iinom. Habang naglalakad sa pasilyo na gilid ng mga restaurant ay hindi niya maiwasang isipin ang mga wine na ipinapadala sa kanya ng isa sa kaibigan ni Gior. Doon niya
