Nang ilang minutong ganap nang nakalubog ang haring araw at lumitaw ang mga bituin sa langit ay naging bahagyang maingay na ang mga bakasyunistang nasa side na iyon ng camp site. Ang payapang paligid ay binubulabog ng mga mumunting ingay ng mga turistang hindi na mahintay na makita ang maraming mga bituin na kasama ng magandang tanawin at ng yumayakap na manipis ditong mga ulap na animo ay blanket. Kumikinang ang mga damo sa tanglaw ng malakas na poste ng mga ilaw na nasa palibot ng lugar. Ganundin ang mga bulaklak ng water lily na animo ay nasa gitna ng tubig ng diamond. Sumasabay iyon sa sayaw ng bawat hibla ng kanilang mga buhok. Sumisipol ang ihip ng hangin na siyang naging dahilan upang magbigay ng ingay ang mga tent na tinatamaan ng hampas ng hangin. Nanatiling musika iyon sa pandini
