Panay ang sulyap ni Chanel kay LV habang tinutulungan itong mag-ayos ng kanilang tent na gagamiting tulugan nila mamaya. Hindi mapawi sa kanyang balintataw ang larawan nilang dalawa na kanyang nakita sa loob ng wallet ni LV. Hindi niya inaasahan na makikita iyon doon at ni hindi sumagi sa isipan ni Chanel na mayroong kopya siya nito. Ang larawan na iyon ay sa unang get together ng agency nilang dalawa, nagdaos ng anibersaryo ang nasabing agency at ang lahat ng under nila ay kailangan na pumunta. Walang pagpipilian ay napilitan na dumalo doon si Chanel lalo na nang malaman niyang pupunta rin doon si LV. Ang pag-aalinlangan niya na baka ma-out of place siya ay kanyang isinantabi muna. Wala pa sa industriya ng pag-arte si Chanel ng mga panahong iyon, ilang buwan pa lang iyon matapos niyang pu
