Panay lang ang sulyap ni LV kay Chanel na nakayakap pa rin sa kanyang isang braso at magaang nakapatong ang kanyang ulo sa kanyang isang balikat. Nasa likod na nilang dalawa nakayakap ang kumot na ginawa nitong pamunas ng kanyang mga luha kanina. Nakaupo na si LV sa mat na inuukopa ni Chanel kanina, prenting nasa tabi na siya ng aktres at dinadamayan ito ng tahimik. Unti-unting mababakas ang bahagyang pag-aliwalas ng pareho nilang pares ng mga mata na nakatunghay pa rin sa malayong kawalan pagkaraan ng ilang sandali. Hindi mapawi ang mga ngiti ni LV sa kanyang labi nang maalala kung paano siya gantihan ng mga yakap ni Chanel kanina habang inaalo niya itong tumigil na sa pag-iyak. Doon pa lang ay may namumuo na sa kanyang kaunting pag-asa, pag-asa na baka mahalin din siya nito pabalik kagay
