Karen
Naka-roba na lang ako ngayon. Katatapos ko lang maligo, at dahil nasa hotel lang ako ngayon at wala akong damit kaya tanging roba lang ang suot ko.
Napatingin ako sa digital clock na nasa may tabi ng lamp shades katabi. Almost two a.m. na. Walang blower ng buhok dito sa hotel ay kailangan ko pang tuyuin muna ang buhok ko bago ako matulog.
Inaantok na ako pero hindi naman ako pwedeng matulog ng basa ang buhok kaya kinukuskos ko iyon ng towel na hawak ko.
Wala akong balak na umuwi. Siguro mananatili na lang muna ngayong gabi dito sa hotel tapos bukas ng umaga ay sa mansyon ako ni Tita Wella uuwi. Mabuti na lang at dala ko ang bag ko kung nasaan ang wallet ko at mga cards ko. Kahit na i-freeze ni Dad ang mga cards ko may extra pa ako mula sa sariling pera ko at sa card na galing kay
