KAREN
"Ahhh!" malakas na sigaw ng babae habang hila-hila ko ang buhok niya.
Ayaw ko ng gulo pero hindi ko sinabing hindi ko siya papatulan kapag inunahan niya ako. Kasasabi ko lang na kung ayaw niyang makalbo, huwag ako pero mukhang hindi siya marunong makinig. ANong karapatan niyang sabunutan ako? Akala ba niya gaya ako ng iba na iiyak na lang? Pwes, nagkakamali siya.
Nangigigil na hinila ko ang buhok niyang halatang ilang oras niyang pinagpagurang kulutin. Pinipilit akong awatin ni Jopeth, pero mas hinigpitan ko ang paghila sa buhok ng babaeng may lakas ng loob na sabunutan ako.
"Karen, bitaw na," pakiusap sa akin ni Jopeth.
Pero hindi ako nakinig sa kaniya.
"Let my hair go, you b!tch!" sigaw ng babae habang nakayuko na ito. Naiiyak na ito.
She tried to kick me, pero umiwas ako.
