NAKITA ni Willard ang ilang beses na pag-ring ng phone ni Miss Montelibano, ito ang assistant coordinator ni Saña.
Sinabihan na ni Willard ang lahat ng mga empleyado na under sa pamamahala ni Saña at nasa pamamahala na niya ngayon na walang ibang sasabihin sa babae at hindi magkukwento sa anumang nangyayari sa hotel o opisina nito. Nang sa gayon ay mapilitan itong magkusang bumalik sa hotel at ito mismo ang umalam sa nangyayari.
“Boss mo ba iyan? Tinatawagan ka? Ba’t hindi mo sagutin?” sabi niya sa assistant coordinator na nakaupo sa meeting area nila at nakalapag ang phone sa ibabaw ng mesa matapos nitong i-take down notes ang meeting agenda para sa minutes meeting na gagawin nito at ipapasa sa kanya.
“H-Hindi na sir,” alinlangang sabi nito. “Alam ko naman po ang gagawin.”
Umangat an
