PINAGBUKSAN ng katulong ang nag-doorbell sa gate ng bahay nila Siella. Dumiretsong pasok naman ang abogado na dumalaw matapos ang tanghalian.
Unang tumawag ito sa opisina ni Siella at ipinaalam na siguro ng kanyang sekretarya na nanganak na siya.
“Nasaan si Miss Siella?” tanong ng abogado sa nagbukas.
“Pasok po kayo sa loob. Nasa sala po siya,” magalang na sagot naman nito.
Nang makita ni Siella ang abogado ay hindi na nagtaka si Siella sa kailangan nito.
“Nakapanganak ka na pala.. Congratulations!” nakangiting bati nito nang makitang hindi na nakaumbok ang tiyan niya at alam na rin nito matapos sabihin ng kanyang sekretarya na tumawag ito sa opisina niya.
“Yes, attorney, three weeks ago. Umupo kayo.” Tumuon siya kay Sinang “Sinang, ikuha mo nga ng maiinom at meryenda si attorney,” s
