PAGLABAS ni Saña sa pinto ng bahay ay wala na roon si Harris. Kahit anong pilit abutin ng tanaw ng kanyang mga mata ay walang bakas nito roon.
Nilapitan siya ni manang Auring. “Iabot ko raw ito sa iyo.” Inabot nito ang susi ng kotse niya.
“Sige ho, manang. Mauuna ho ako. Kailangan ko pang puntahan si Harris.”
Kung sasakay na siya ngayon at paaandarin ang sasakyan ay baka maabutan pa niya si Harris. Paano ito uuwi? Napakalayo ng tarangkahan hanggang sa labas ng Grand Lucas estate. Sa ganitong oras ay walang mga taxi na nakaabang, pwere na lang kung kumuha siya ng taxi or any vehicle in advance.
“Hindi mo man lang ba kukumustahin kung bakit sakay na ng wheelchair ang papa mo?” tanong sa kanya ni manang.
Nagpakawala siya ng hangin. “Go ahead, manang.”
“Tumaas ang blood pressure ng papa
