GITLA ang mga mata ni Agustus nang makita ang kabuuhang email na ipinadala sa kanya ng kanyang assistant na si Greg. Isang email na may folder na naglalaman ng lahat ng impormasyon patungkol sa lalaking napangasawa ng kanyang anak na si Saña at ito ay nagngangalang Harris Alejandre.
Nakalagay roon ang buong pangalan ni Harris Alejandre, edad, kapanganakan at buhay nito simula ng isilang. Kasama roon lahat ng school records na pinasukan nito at achievements. Ang buhay na kinalakhan, mga magulang, trabaho nito simula nang mag-umpisa sa industriya hanggang ang kasalukuyan nitong buhay.
Binasa niya iyon ng buo at wala ni isang salita siyang pinalampas. Ilang oras man o buong araw ang gugugulin niya sa pagbabasa ay wala siyang pakialam. Dahil ang bawat salita at impormasyon ay napakahalaga pa
