“Mukhang manununtok si Logan, binibini. Itago mo ako,” mahinang turan ni Tornado habang nagsusumiksik sa aking tabi. Niyakap niya ang braso ko at humilig sa aking balikat na akala mo ay mayroong pinagtataguan.
“Kung ako sa ‘yo, Tornado… lalayo na ako bago humiwalay ang braso ko at tuluyang dumugo ang aking nguso.” Humahalakhak si Rusty habang nagsisimula nang imaneobra ang sasakyan. Ngayon pa lang kami aalis dito sa parking lot dahil inuna pa nila ang asaran.
Mag-alas sais pa lang naman. Hanggang ten o’clock pa naman ng gabi ang closing ng mall. Hindi rin naman ito ganoon kalayo rito sa university kaya marami pa kaming oras. Baka sa labas na rin kami maghapunan dahil nandoon na rin naman kami.
“Bakit ba? Wala naman akong ginagawang masama?” Maktol ng katabi ko at lal
