“Ano na? Bilisan n’yo namang kumilos! Daig n’yo pa ang mga pagong sa bagal!” Nangingibabaw ang boses ni Donna habang nandito kami sa loob ng sasakyan.
Kinabukasan pagkatapos ng klase ay nagpasya kaming pumunta sa mall. Mamimili rin kasi kami ng regalo para kay Tornado. Tomorrow is his birthday.
“Pasensya naman po! May naka-appreciate kasi ng kaguwapuhan namin. Natural lang na pagbigyan namin!” sagot ng nakangising si Kane na sumakay na sa passenger’s seat. Mukha pa siyang hinihingal dahil galing sa pagtakbo.
Si Rusty naman ay pumuwesto sa driver’s seat dahil siya ang magmamaneho. Kanya rin kasing sasakyan ito.
“Naka-appreciate! Baka nabudol n’yo!?” Humalukipkip si Lei habang umiikot ang kanyang mata.
May ilang babaeng estudyante kasi ang nagpa-picture
