“Ano na? Ang babagal n’yo!” inis na sabi ni Lei habang nililingon ang mga kasama naming lalaki.
Nandito na kami sa loob ng mall ngunit medyo natagalan kami dahil pagdating namin sa second floor ay mayroong ilang mga babaeng estudyante ang humarang sa dinaraanan namin. Akala ko ay kung ano na ang nangyayari, iyon pala ay magpapa-picture lang kina Caleb.
Nauuna lang kaming maglakad ni Lei dahil hila-hila niya ang kamay ko habang kunsumido sa mga kasama namin.
“Kung alam ko na lang na ganito, hindi na sana isinama ‘yang mga ‘yan!” Iritado pa rin siya hanggang ngayon.
“Kalmahan mo lang, babe. Ang bata pa natin, baka mamaya may maintenance ka na niyan!” Kung si Lorelei ay kanina pang naiinis, si Donna naman ay kanina pa ring tinatawanan lang siya.
Maya-may
