“So… baka gusto mo nang mag-explain ngayon?”
Napatingin ako sa nakahalukipkip na si Lorelei. Nakasandal lang siya sa bedside table, habang kami ni Donna ay nandito sa kama. Sa village na ulit ako umuwi. Si Mang Ador ang sumundo sa akin kaya hindi ko sila nakasabay. Kaya nga nagulat din ako nang dito sila magpababa sa tapat ng bahay ko. Hindi man lang nila naisip na magpalit muna ng damit at magpahinga bago pumunta rito.
Sabi ko naman kanina sa kanila ay magpapaliwanag ako… kaso umasa rin ako na makakalimutan na nila iyon dahil marami kaming ginawa kanina. Akala ko rin ay hindi makakasama si Donna dahil hanggang matapos ang klase kanina ay hindi niya ako pinapansin. Nakipagdebate lang siya sa mga kaibigan namin pero hindi naman niya ako kinausap.
“Sandali, ano ang gust
