Smooth lang ang naging biyahe namin pabalik sa university. Tahimik lang din ang lahat sa loob ng sasakyan kanina kaya nakakapanibago dahil kadalasan kapag ganito kaming kumpleto at magkakasama, hindi sila nauubusan ng kuwento at pang-aasar sa bawat isa. Ang nangyari kanina ay hindi sila nag-uusap pero magugulat na lang ako kapag bigla ko silang maririnig na tumatawa na hindi ko alam ang dahilan. Wala naman kasing pang-aasar na nagaganap pero humahalakhak sila. Para bang sa tawa pa lang ay nagkakaintindihan na silang lahat. Ako, si Caleb, at si Chelsea lang yata ang hindi maka-relate dahil pare-pareho silang nasa iisang mundo. Tapos kaming tatlo, naliligaw pa yata.
Sa bawat pagtawa nila ay sumusulyap sila kay Caleb na mukhang kanina pa nila inaasar, ngunit walang pakialam ang huli. N
