“Ano’ng ginagawa n’yo? SPG ba ‘yan?!” Dumagundong ang hindi ko malaman kung nang-aasar ba o nagugulantang na boses ni Rusty sa loob ng kuwarto. Nakaturo ang daliri niya sa amin habang ang isang kamay ay mahigpit ang hawak sa plastic ng Piattos, pero kanina pang nahulog sa sahig ang ilang piraso na kanina ay nasa bibig niya.
Sa sobrang gulat din sa bigla niyang pagdating ay hindi ko alam kung ano ang susunod na gagawin. Kung mas lalo ko bang ipagsisiksikan ang mukha sa dibdib ni Caleb para itago ang pamumula nito, o aalis sa ibabaw niya muna dahil biglang ang awkward ng paligid. Ngunit paglaon ay iyong huli rin naman ang ginawa ko.
Mabilis akong bumangon at nagpasyang umupo sa kama, ngunit bago iyon ay sinigurado ko na malaki ang espasyo sa pagitan namin ni Caleb. Mabuti na l
