Noong makaalis na ang mga lalaki ay bumalik ako sa pagkakahiga sa kama. Pakiramdam ko kasi ay pumipintig ang ulo ko. Hindi na naman masyadong mabigat ang pakiramdam ko pero minsan ay sumasakit pa rin ang aking sentido. Medyo mainit lang din ang aking paghinga pero siguro mamaya o hanggang bukas ay magiging maayos na ang pakiramdam ko.
Humilig ako at niyakap ang unan. Ngayon ko lang napansin na kaya pala pamilyar ang amoy ng unan na niyayakap ko ay dahil kay Caleb ito. I feel like I am also hugging him right now. Pero teka, kung dito ako natulog ay saan siya natulog kagabi?
Nawala ang atensyon ko sa pag-iisip ng bagay na iyon nang magsalita si Lorelei. Nakadapa siya sa bandang paanan ng kama habang nakaharap sa gawi ko, habang si Donna naman ay nakaupo at nakasandal sa headboa
