SOFIA
Gabi na nang ihatid ako ni Chase dito sa tapat ng apartment na tinutuluyan ko ngayon. Tahimik at walang imikan kami habang nasa biyahe dahil nauwi ako sa malalim na pag-iisip.
Mukhang naramdaman naman ni Chase na distant ako sa kaniya dahil hindi ko sinagot ang tanong niya kanina at piniling pumikit at sumandal ang likod at ulo sa upuan ko.
“Thank you,” tipid na sabi ko sa kaniya bago ko buksan ang pintuan ng kaniyang sasakyan.
“See you tomorrow, Sofie.” Narinig kong sagot ni Chase, kaya tumango ako at tipid na ngumiti sa kaniya.
Malaki ang hakbang na naglakad ako papasok sa gate ng apartment. Hindi ko na nilingon si Chase pero alam kong nasa labas pa rin siya at hindi pa umaalis sa tabing kalsada, kung saan siya nag-park ng sasakyan.
“Good evening, Sofie,” nakangiting bati sa
