SOFIA
Bakas ang pagkagulat sa mga mata na nakatingin sa akin ang apat na lalaking pumasok dito sa loob ng apartment ko dahil hindi nila inaasahan ang sumalubong sa kanilang kapangahasan.
Nagkatinginan muna sila na para bang nag-uusap gamit ang mga mata. Kahit nabugbog sila ni Ate Em ay malaki ang hakbang na sinugod ako sa kinauupuan ko ng dalawang lalaki, pero hindi nila inaasahan ang bilis ng kamao at mga paa ni Ate Em na muling tumama sa kanilang mga binti at tuhod mula sa kanilang likuran.
Wala pang limang minuto pero pare-parehong nakahandusay na sa sahig sa paanan ko ang apat na lalaking pumasok dito sa apartment namin ni Ate Em.
Lahat sila ay umuungol at nanginginig ang mga katawan sa sahig. Pare-parehong nabali ang kanilang mga buto sa tuhod at binti, kaya walang kahit isa sa k
