SOFIA
Naiwan akong hindi alam kung ano ang gagawin ko dito sa loob ng opisina ni Chase Mondragon. Wala siyang binigay na instructions sa akin bago umalis, maliban sa manatili raw ako dito sa loob ng silid niya.
Gumala ang paningin ko sa buong silid. Minimal lang ang ayos nito, pero cozy at classic. Bagay sa lalaki ang design ng opisina niya, maging ang kulay ng sahig at dingding.
Sa nakikita ko ay mukhang metikuloso ang lalaking iyon dahil napakalinis ng silid at kahit hinaplos ko ang ibabaw ng sofa ay wala man lang akong nakapang alikabok
Gamit ang smart watch na suot ko ay nag-scan ako ng CCTV camera sa paligid ko. Sa estado sa buhay ni Chase Mondragon, sigurado akong may nakakabit na hidden camera sa loob at labas ng pribadong opisina niya.
As expected, apat na CCTV camera ang na-
