SOFIA
Mabuti na lang at pumayag si Mr. Mondragon na lumabas ako sa opisina niya at bumalik sa working table na binigay sa akin ni Secretary Skye dahil hindi talaga ako komportable na kasama ko siya sa loob ng isang silid.
Pakiramdam ko ay sinisilihan ako at hindi ako mapakali kapag malapit siya sa akin. Ang nakakainis pa, harapan kung titigan at tingnan niya ako. Pakiramdam ko ay para bang may masama siyang binabalak habang nakatingin siya sa akin.
Nagtanong ako kay Secretary Skye kung ano ang puwede kong gawin para maging occupied ako dahil nababagot na ako.
“Here, ikaw na ang bahalang d'yan.” Binigay niya sa akin ang tatlong folder at inilapag sa harap ko.
“Thank you,” nakangiting sabi ko.
Ngumiti lang siya sa akin at pagkatapos ay hinarap na niya ang kaniyang ginagawa. Ako naman,
