"S-Senyorito Devin, mukhang galit po yata si Nanay sa akin. Alam na po yata niya na magkasama tayo sa kubo at na-stranded tayo doon dahil sa malakas na ulan…" kinakabahan na sabi ni Farrah sa akin habang magkasabay kaming naglalakad patungo sa komedor. Naroon sa may bar counter ang matanda, nagpupunas ng mga bote ng alak at tila kanina pa inaasahan ang aming pagdating.
Alas-singko ng umaga ng kami ay nakaalis ng kubo, alas-sais nagluluto ng agahan ang Nanay ni Farrah at marahil kanina pa siya rito dahil inaabangan niya ang pagdating ng kanyang anak. Hatinggabi na kasi tumigil ang ulan at bandang alas-kwatro nang magising ako. In-check ko kaagad kung bumaba na ba ang tubig sa sapa at baka pwede na kaming dumaan. Nang makita kong mababa na ang tubig at pwede ng dumaan si Pegasus ay saka ko
