Tahimik akong ngumunguya ng aking kinakain habang iniiwasan ko na sumulyap kay Senyorito Devin. Magana siyang kumakain habang magkaharap kami rito sa lamesa na ang daming putahe na nakalatag. Sa dami ay sa tingin ko ay hindi namin ito mauubos. Parang busog na nga ako sa kakatingin sa mga pagkain kaya hindi ko na dinagdagan ang laman ng plato ko.
Nagtataka man ako kanina kung bakit ang daming pagkain ngunit hindi na lang akong nag-usisa pa dahil mukhang siya naman ang makakaubos ng lahat ng nakahain. Ang lakas kumain at isang subo lang sa kanya ang hiwa ng karne. Patay-gutom lang?
Naiiling na lang ako na pinagmamasdan siya dahil natitigil pa siya minsan sa pagsubo at parang timang na ngumingiting mag-isa at saka muling susubo at pagkatapos ay titingin sa gawi ko at natutulala.
Ano'ng nan
