Kabanata Labing Tatlo
Naalimpungatan si Ria nang madaling araw. Nakita niyang wala sa tabi niya si Marcus kaya naisipan niyang sumilip sa baba. Nasa hagdan pa lang ay nakita na niyang nakahiga ang asawa sa upuan sa may bandang sala. Mukhang nag-inom ito mag-isa. Kaya roon na rin siguro ito inabot ng antok. Bumalik siya sa kwarto para kumuha ng kumot. Kinumutan niya ito at hinayaan na itong matulog doon.
Hindi naman na siya makabalik sa pagtulog. Medyo binabagabag din kasi ito ng mga bagay na iniisip niya nitong mga nakaraang araw. Nahihirapan siyang magpasya. Humiga na lamang siya sa kama at hinintay na mag-umaga.
Kahit nakainom no'ng gabi, maaga pa ring nagising si Marcus. Agad siyang sumilip sa kusina para tignan kung nandoon na ba ang asawa, ngunit wala pa ito.
"Marcus, Hijo. Magka
