Kabanata 13
Nang makalabas si Peter ay nakita niya agad ang mga babaeng kapatid ni Chronos na masayang nag-uusap. Gaya niya ay tunic din ang suot ng mga ito at cloak imbis na isang mahabang dress dahil malayo-layo ang lalakbayin nila mula rito.
At isa pa, hindi sila gaya ng mga ordinaryong kababaihan sa kwentong ito. Mas gusto nilang magsuot ng mga damit kung saan sila komportableng makagagalaw imbis na magsuot ng magagarbo ngunit limitado ang kilos.
Nang makita siya ng mga ito ay agad siyang kinawayan. Pinigilan niya ang sarili na itaas ang kamay at kumaway pabalik.
“Matagal tayong hindi magkikita,” bungad ni Prinsesa Chelsea. “Pwede mo namang ipakita sa ‘min na ma-mi-miss mo kami, Kapatid.”
Umiwas lang siya ng tingin at dumeretso sa kabayong hinanda ni Kinro para sa kaniya.
“Sige
