Kabanata 9
“Sa tingin mo,” ani Churchill, “nariyan na ang murklins sa baryo ng Fract?”
Pareho silang nakatingin sa mga mortal na nagsisigawan at nagtatawanan pa rin kahit na madaling-araw na. Malapit na ang mag-umaga pero parang wala lang para sa kanila iyon basta ay nagsasaya silang lahat. Kahit na puro duguan na ang mga naglalaban sa gitna, wala pa ring umaawat sa kanila.
Alam ni Peter na ganito talaga ang baryo, pero nakokonsensiya pa rin siya dahil ginawa niya ‘tong lugar na ‘to. Sa lugar kung saan marami ang nagkakasakitan, mga mortal na naghihirap, at mga mortal na wala ng pakialam kung ano man ang mangyari sa mga buhay nila.
“Ito na lang ang lugar na hindi natin napupuntahan,” sagot ni Peter. “Malaki ang posibilidad na nagtatago siya riyan kasama ang mga tao. Hindi man niya maka
