Madilim pa lang ay handa na si Lara para umalis. Nagpasya siyang iwan na si Draco. Sa mga sinabi nito sa kaniya kagabi ay wala ng dahilan para manatili pa siya sa bahay nito.
Ni hindi niya nakuhang puntahan ang binata sa silid nito para silipin man lang dahil nangangamba siyang kapag ginawa niya iyon ay baka magbago pa ang isip niya at huwag nang umalis.
Nilakad niya ang mahabang daan patungo sa sakayan ng mga bangka na maghahatid sa kaniya sa kabilang isla. Unti-unti nang nagliliwanag. Nakaramdam ng uhaw si Lara, malayo-layo na rin ang kaniyang nalalakad. Natuwa ang dalaga ng may matanawan siyang mga mumunting tindahan malapit sa aplaya. Tama namang may nakita siyang nagbebenta ng mga damit. Wala siyang suot na bra. Hindi niya malaman kung saan itinago ni Draco ang mga bra niya. Hindi n
