Binalewala ni Draco ang papel na ibinigay sa kaniya ng kaibigang si Nadeck. Ang totoo ay nakalimutan na nga niyang may laman pala ang bulsa ng suot niyang longsleeve. Pag uwi niya sa kaniyang condo ay agad siyang naligo at inihagis na lamang ang mga pinaghubaran sa laundry basket.
May isang kasambahay na inutusan ang kaniyang ina para pumasyal sa condo niya twice a week. Ito ang naglilinis ng lugar niya, nag aasikaso ng mga groceries niya at naglalaba ng madudumi niyang mga damit.
"Sir, importante po yata ito."
Mula sa pagkakatitig sa kaniyang lap top ay tumingala siya para tingnan ang kaniyang kasambahay. Araw ng linggo noon at wala siyang pasok sa opisina, maghapon lang siya sa kaniyang condo at wala rin siyang balak na lumabas. Inabala niya ang sarili sa pag-check ng report na ipina
