Mabilis na kumalas si Lara sa pagkakayakap ni Draco at bumaba sa kama.
"Baka nagkakamali lang kayo, sir. Dito lang tayo sa Santa Isabel nagkita," mariing tanggi niya. Natakot siyang baka ipagpilitan nito na magkakilala sila at ipinagkanulo niya ang sarili rito at mapaamin siya ng 'di oras.
"Okay, siguro nga napagkamalan lang kita. I'm so sorry if I made you feel uncomfortable. Please, manatili ka muna rito, delikado para sa katulad mong maglakad ng gabi. Gusto kitang ihatid but I can't. Magiging kampante ako kung dito ka na muna matutulog, maraming bakanteng kwarto diyan mamili ka na lang kung saan mo gusto."
Na-appreciate niya ang concern nito. Tama naman ito kaya sumang ayon na lang siya.
"Sige, sir! Matulog ka na, ako na ang bahala sa sarili ko. Bukas na ako uuwi sa amin," wika niya
