"Oh, ano'ng nangyari sa 'yo?" Agad na sinalubong ni Wanda si Lara.
"Huh! Wa-wala," tarantang sagot niya.
Inayos ang damit at dumiretso nang lakad.
Kanina lang ay kinorner siya ni Marcus sa dingding. Mabuti na lang at natakasan niya ito. Nang tangka siyang halikan ng bastos na lalaking iyon ay dumausdos siyang pababa at gumapang sa pagitan ng mga hita nito.
Lakad takbo siyang lumayo rito at tama namang nasalubong niya si Wanda sa hallway. Papunta rin sana ito sa powder room kaya lang ay hindi na tumuloy ng makita siya na pabalik na sa table nila.
"Nakita mo ba si Marcus? Bigla na lang nawala, kanina ko pa hinahanap, eh," tanong nito na walang kaalam-alam sa nangyari.
''Ewan ko, hindi ko alam, hindi ko siya nakita," pagsisinungaling niya.
Hangga't maari ay ayaw na niyang isipin a
