Nang makalapag ang chopper na sinasakyan nila ay agad na may sumalubong sa kanilang sasakyan. Ang sakay noon ay isa sa mga tauhan ni Draco, ipinasok nito sa likuran ng kotse ang kanilang mga bagahe at pagkatapos ay ibinigay kay Draco ang susi at ito na ang nagmaneho. Malayo-layo na rin ang kanilang nararating, si Cayden ay nakatulog na sa kandungan ni Lara. Kanina lang ay sobrang excited nito at manghang-mangha sa nakikitang nagtataasang mga gusali.
Pamilyar kay Lara ang dinaanan nila ngayon, hindi niya mapigilan ang mapaisip.
May hinala na siya kung saan sila dadalhin ni Draco ngunit hindi pa siya nakakasigurado dahil sa tagal nang panahon niyang nawala sa Maynila ay marami na ring nagbago sa paligid. Nang pumasok ang kotse sa loob ng executive village ay bigla siyang kinabahan lalo pa
