Ngayon ang uwi namin pabalik ng Quezon. Tanging si Ate Rob at Ate Raf lang ang kasama ko dahil susunod na lang raw sa amin si Ate Ren. May inaasikaso pa raw kasi ito. Hindi naman niya nabanggit kung ano pero madalas talaga siyang may ginagawa na hindi namin alam.
Naghahanda na ako nang mga dadalhin ko pauwi. Wala naman akong masyadong dadalahin dahil may mga gamit naman ako sa probinsya. Mga personal na gamit ko lang ang inihahanda ko.
Napatayo ako sa kinauupuan ko nang biglang may nag-doorbell. Nagtungo ako sa bintana ng kwarto ko upang silipin kong sino iyon. Nakita ko ang kotse ni Kuya Nero. Nagtago ako sa likod ng kurtina habang nakatingin sa baba.
Nakita kong may binigay itong paper bag kay Ate Rob. Pero ang nakaagaw nang pansin sa akin ay ang babaeng sakay nito sa passenger seat.
