Matapos ang holiday ay bumalik na rin kami ng Maynila. Naging abala na rin kaming muli. Kahit may holiday hangover pa ako ay kailangan ko na ulit gumising ng maaga para pumasok.
"Nakakapagod makinig ng lecture buong araw gayong nakaupo lang naman tayo," reklamo ni Stella nang matapos ang huling klase namin.
Kaya pala kanina malapit na bumagsak ang ulo niya. Para siyang manok na tutuka-tuka.
"Sumakit pigi ko," saad ko naman na ikinatawa namin.
Sabay na kaming lumabas ng classroom. Gaya ng dati ay naghiwalay kami sa sakayan pauwi.
Pagod na naupo ako sa sofa nang makarating ako sa bahay. Pero muli akong napatayo nang my mag-doorbell.
Tinatamad na lumakad ako palabas ng gate upang tingan kung sino iyon.
"Ma'am, delivery po," ani ng lalaking nakasuot pa ng uniforme ng isang delivering co
