"M-Mommy san po kayo nanggaling? Ano pong ginagawa ninyo dito sa mall? Bibili po ba kayo ng pasalubong para sa akin? Alam po ba ito ni Daddy? Sosorpresahin po ba ninyo ako?"
Hindi ko alam kung paano ko sasagutin ang sunud-sunod na katanungan ng batang umiiyak na nakayakap sa akin. Nalilito ako sa mga katanungan niya. Bakit niya ako tinatawag na Mommy? Nagkamali lang ba siya ng taong nilapitan? O baka kamukha ko ang kanyang Mommy at napagkamalan niya ako?
"Tahan na baby." Pang-aalo ko ng hindi ko alam kung paano ko sasagutin ang mga tanong niya.
Medyo nakakaagaw na rin kami ng atensiyon sa ibang mamimili. Isipin pa nilang masama akong ina dahil pinaiiyak ko ang bata. Ayoko namang iyon ang isipin nila sa akin. Kahit wala silang alam sa sitwasyon ay pangit pa ring pagmasdan na iniiyakan a
